اعرف اكتر عن فوائد النعناع الأخضر وطرق تجفيفه
سنتعرف على فوائد النعناع الأخضر وخطوات وطرق تجفيف النعناع
محتويات المقال
فوائد النعناع
تعالى بقى اقولك على فوايد النعناع :
- بيعالج العديد من مشكلات الجهاز الهضمي.
- ليه دور في علاج مشاكل القولون العصبي.
- مهدىء لالام المغص ولتهدئة تقلصات المعدة.
- مطهر ومضاد للالتهابات.
- بيعزز صحة الفم ويزيل رائحة الفم الكريهة ومنعش للنفس.
- بيحارب تسوس الأسنان.
- بيساعد على محاربة العدوى عن طريق الفم.
- بيساعد على تخفيف الاحتقان في الأنف والحنجرة والقصبات الهوائية والرئتين وتسريع عملية الشفاء خاصة في نزلات البرد والإنفلونزا.
- له خصائص علاجية تساعد على تخفيف أعراض الربو.
- يساعد على تخفيف السعال وطرد البلغم.
- مهدىء للأعصاب ويساعد على الاسترخاء.
- يساعد على الوقاية من السرطان وعلاجه.
- يساعد على استرخاء الجسم وتهدئة العقل وتخليصه من الإجهاد.
- يساعد على استرخاء الأوعية الدموية والمحافظة على توازن السوائل في الجسم وبالتالي خفض ضغط الدم وتنظيم معدل النبض.
وعشان فوايده الكتيرة ديه لازم نحفظه لمدة أطول عشان نستفيد بفوايده الكتيرة لأطول فترة ..وأحسن طريقة لحفظه هو التجفيف …
خطوات وطرق تجفيف النعناع
فيه اكتر من طريقة لتجفيف النعناع .. ابسط طريقة اننا نسيبه في الهواء لحد مايجف تماما ..وطبعا بعد مانغسل النعناع كويس ونشفه كويس بالمناديل.. بس من غير ما نفصل أوراق النعناع عن الساق وبنربط السيقان ببعض بخيط متين ونربطه في شماعة ملابس ..
ويفضل اننا نعلق الشماعة في مكان جيد التهوية وخالي من الرطوبة ويفضل تكون درجة حرارتها ٢٠ درجة مئوية او نحط النعناع في أكياس بلاستيك كبيرة ..ولازم طبعا نعلق النعناع مقلوب بحيث تكون السيقان فوق والأوراق تحت عشان تتجمع الزيوت العطريّة في الأوراق وتمنحها نكهةً ورائحةً قويّة ..
– وممكن نجفف النعناع في الفرن ..وهنحتاج ليه بعض الحاجات زي أوراق النعناع الطازة .. ومناديل ورق أو قماش للإمتصاص.. علب للتخزين مناسبة ومحكمة الغلق .. وصينية مخصصة للتجفيف في الفرن
خطوات تجفيف النعناع
- بعد مانغسل النعناع كويس وننشفه هنفصل الأوراق عن الساق .
- ونحطها في صينية في الفرن على درجة حرارة 80 درجة مئوية ونسيبها لمدة ساعتين ..
- ونتحقق منها كل ربع ساعة لحد مانتأكد ان تم تجفيفها تماما وساعات بتحتاج لأربع ساعات عشان تجف تماما وبعدها نشيلها في علب محكمة الغلق ونحطها في مكان مظلم وجاف …
تجفف النعناع في الفرن
انت عارف انك ممكن تجفف النعناع في الفرن وهو بارد .. طب ازاي ؟ هقولك ..
- هتفصل أوراق النعناع عن الساق بعد مانغسلها كويس طبعا..
- هنشف أوراق النعناع كويس بالمناديل وهنحطها في صينية في الفرن البارد ونسيبها ليلة كاملة بس لازم نشغل نور الفرن.
تجفف النعناع في الميكروويف
وممكن كمان نجففه في الميكروويف .. وعشان نجففه في الميكروويف هنعمل الآتي:
- هنفصل أوراق النعناع عن الساق بعد تنظيفها.
- بعد كدة هنحط الأوراق الجافة على منديل ورقي جوة الميكروويف..ونسيبها لمدة 1-2 دقيقة .. بعد منشغله على طاقةٍ عالية.
- نخرج أوراق النعناع من الميكروويف.. ونسيبها لحد ما تبرد شوية.
- نتأكد بعدها ان الأوراق بقت جافة تماما ولو مبقتش هشة نكرر العملية لحد ما نوصل للنتيجة المطلوبة.
