اول فيلم مصري يتمنع من العرض

اول فيلم مصري يتمنع من العرض..

فى سنة 1929 صد قرار بمنع فيلم “مأساة الحياة” من العرض واتقال انه ده كان اول فيلم مصري يتمنع من العرض..

الفيلم كان من إخراج وتمثيل وداد عرفي، وشاركه فيه الراقصة التركية الشهيرة في الوقت ده إفرانز هانم.. وكانت أحداثه بتدور حوالين فتاة لعوب بتشتغل راقصة، وتسعى لخداع شقيقين علشان تاخد فلوسهم ..

ورغم أن الفيلم كان من نوعية الأفلام الصامتة.. وكان الحوار بيتكتب على الشاشة، إلا أن صحفى وناقد فنى كبير وقتها كتب عنه تقرير قال فيه “أن به عيوبا فا*ضحة يندى لها الجبين خجلا” وده اللى خلى الرقابة تشكل لجنة لمشاهدة الفيلم وتصدر قرار بمنعه من العرض.. وقالت الرقابة فى تقريرها “إن الفيلم يزخر بالملاهي ومواد الترف، وهو ما استنزف الجزء المهم فيه، مع أن العظة لم تتناول إلا أمتارا قلائل، ولا تترك أثرا عنيفا في المشاهد يعطيه فكرة سامية عن عاقبة الإثم والاستهتار”..

عارفين بقي الصحفى والناقد الفنى الكبير ده يبقي مين ؟ يبقى عبدالسلام النابلسي قبل ما يتجه للتمثيل..