معلومات عن عمله البتكوين Bitcoin,ما هو البتكوين
البتكوين Bitcoin في البوست ده بإذن الله هتعرف كل حاجة عن عملة البتكوين وهحاول أختصر بشكل كبير عشان توصلك المعلومة المفيدة ولأن الموضوع شرحه يطول
محتويات المقال
ما هو البتكوين ؟ “أهم سؤال”
– البتكوين عبارة عن عملة نقدية افتراضية قائمة علي أساس بروتوكولات تشفير رقمية رياضية وتعتمد علي اللامركزية في التحكم بالعملة . يعني إيه برضه ؟
في مجموعة من الأبحاث اللي كانت بتتكلم عن فكرة وجود عملة افتراضية يعني مفيش ليها وجود مادي ومفيش أي جهة تقدر تتحكم فيها ويكون مستخدمي العملة ليهم وحدهم التحكم في العملة دي وتكون العملة دي لا يمكن تتبعها .
نشأة العملة :
- – بعد ما الكلام كتر عن الموضوع في واحد اسمه “ساتوشي ناكاموتو” بدأ يشتغل بشكل عملي وطرح فكرة البتكوين في سنة 2008م وتم طرح العملة بشكل فعلي
- في سنة 2009م وسعر صرف البتكوين وقتها حسب تكلفته B1309=1$ .
- * “ساتوشي ناكموتو” دي شخصية وهمية مفيش حد عارف مين الراجل ده وفي تكهنات إنها مجموعة أشخاص أو منظمة غالبًا موجودة في آسيا .
أرقام سريعة عن البتكوين :
- – أول سعر للبتكوين كان 003.$ يعني لو استثمرت وقتها 100$ في البتكوين كان ثروتك دلوقتي قيمتها 186,664,800$ .
- – في كلام قوي إن ساتوشي ناكاموتو يمتلك 1 مليون عملة بتكوين قام بتعدينها في بداية تطبيق فكرة البتكوين للسيطرة علي العملة .
- – في سنة 2010م واحد اسمه Laszlo Hanyecz عمل أول عملية دفع بالبتكوين لما اشتري بيتزا سعرها 25$ مقابل 10,000 عملة بتكوين، حاليًا سعر البيتزا دي 56,000,000$ مش عايز أقولكم سعرها بالمصري كام .
- – خلال ال 30 يوم اللي فاتوا بس سعر العملة ارتفع 50%
- – 1 بتكوين = 100 مليون ساتوشي .. زي الجنيه = 100 قرش كدة .
- – عدد عملات البتكوين 21 مليون عملة تم تعدين 80% منها .
- – حتي وقت كتابة البوست ده لسه باقي 972 يوم حتي الانقسام القادم للبتكوين . “انقسام البتكوين يعني انخفاض مكافأة التعدين إلي النصف وبيحصل كل 4 سنين”
- – بعد انتهاء عمليات التعدين في توقعات انه يحصل انفجار في سعر العملة اللي قد يتخطي 25,000$ في وقت قصير .
ليه في مشاكل علي البتكوين ؟
- – في مشاكل وراها أمريكا لأن الصين تعتبر أكتر دولة مسيطرة علي العملة دي وده يعتبر خطر اقتصادي لأمريكا . “اللي شاف مسلسل MR.Robot هيفهم النقطة دي عشان في ناس اتريقت عليا لما ذكرت المسلسل في بوست سابق”
- – كمان يعتبر البتكوين سبب رئيسي في الأنشطة الإجرامية علي الديب ويب .
ازاي تقدر تمتلك البتكوين ؟
– تقدر تحصل علي البتكوين عبر الشراء لأن فكرة التعدين تعتبر منتهية بالنسبة للعملة بغض النظر عن أسعار أجهزة التعدين وتكلفتها وكمان صعوبة التعدين حالياً وانقسام العملة فشراء البتكوين حل مثالي .
ازاي اقدر اشتري البتكوين ؟
– في طرق كتيرة لكن أفضلها هو التعامل مع وسيط مالي “معتمد” في المنتديات العربية وأشهرهم طبعا ترايدنت وتقدر تتعامل علي الإنترنت أو بمقابلة شخصية بتدفع بالمصري أو بعملة بلدك وهو بيحولك بنفس القيمة، يعني فرضًا هتشتري $100 بتكوين ، 100$ = 0,01816 بتكوين حاليًا، هتشوف الوسيط بيبيع الدولار بكام وتشتري يعني 100$ بتكوين سعرهم بالمصري حاليًا يتراوح من 1800ج – 1950ج حسب سعر الوسيط .
كيف تخزين البتكوين ؟
– زي ما بتخزن فلوسك في البايبال أو غيره بنعمل محفظة علي النت بنخزن فيها العملة ودي الطريقة الأفضل، وتقدر تخزن البتكوين علي الكمبيوتر الشخصي وتقدر تخزنه علي محفظة محمولة “حاجة كدة زي الفلاشة” .
ايه أفضل محفظ لتخزين البتكوين ؟
– حاليًا أفضل محفظة هي Blockchain ومحفظة Xapo تقدر تستخدم أي واحدة من الاتنين، التسجيل فيها عادي زي أي موقع وبتحصل بعد كدة علي عنوان المحفظة عبارة عن 34 حرف ورقم ده اللي بتسخدمه لو عايز تستقبل فلوس .
* لاحظوا لو بحثتوا علي كلمة Blockchain ممكن أول نتيجة تظهرلك موقع Blockchain دوت كوم ولكن المحفظة الأصلية هي Blockchain. info
هل في خطر من البتكوين ؟
- – زيه زي أي استثمار فيه نسبة خطر زي ايه ؟
- – ممكن المحفظة لو مش مأمنها كويس يتم اختراقها .
- – لو حفظت البتكوين ع الكمبيوتر ممكن مكافح الفيروسات يحذفه .
- – احتمال حدوث مشكلة في العملة ذاتها بنسبة 000001.% لكن يظل احتمال وارد ولازم تعمل حسابك إن في نسبة Risk في الموضوع .
